Monday, August 20, 2018

NRYU Rapid Chess

28th NRYU Establishment Day Rapid Chess 2018

Nepal Revolutionary Youth Union Sports Committee & Bhaktapur Chess Club is jointly organizing National Rapid Chess Tournament in Bhaktapur on the date of Asoj 2-3 as Nepali calendar & September 18th to 19th 2018 as international calendar.

Organizers are delighted to welcome all the chess players to play in the historical and cultural city, Bhaktapur. The venue of the tournament will be Boxing hall near Kamalbinayak Chowk and total cash prize is about 50 thousands Nepali rupees guaranteed for best seventeen players.

Former national chess champion Surbir Lama of Kathmandu was the defending champion of this rapid chess event. Bhaktapur district chess association is supporting technically for the success of the event, where Majdoor Daily, Majdoor Online & Nyatapolan Express were going to cover its news officially.

The tournament will be played under FIDE rules of RAPID play on swiss format of nine rounds. Players have to pay 500 rupees for the participation & last date for registration is 31st of Bhadra as published on circular provided.


Contact Persons:
Min Bahadur Bata, President: 9841692695
NA Raj Kumar Laghu, Co-ordinator: 9851232890
IA Niranjan Prajapati, Chief Arbiter: 9851228540

Friday, August 17, 2018

4th National Team 2018

थापाथली चेस पार्क, चौथो क्लब टिम च्याम्पियन

काठमाडौको थापाथली चेस पार्कले ललितपुरमा सम्पन्न चौथो राष्ट्रिय क्लब टीम बुद्धिचाल प्रतियोगिताको उपाधि हात पारेको छ । शुक्रबारसम्पन्न फाईनल खेलमा ललितपुर स्पोर्ट्स क्लबलाई २.५–१.५ अंकले हराउँदै थापाथली चेस पार्क च्याम्पियन बन्न सफल भएको हो  । लिग चरणमा चौथो हुँदै नकआउट चरण प्रवेश गरेको थापाथली चेस पार्कले सेमिफ़ाईनल तथा फाईनलमा  उतकृष्ट खेल पस्कँदै प्रथम स्थान हासील गरी नगद  १ लाख ५० हजार समेत प्राप्त गरेको छ ।

थापाथली चेस पार्कका लागि दोश्रो र चौथो बोेर्डमा प्रतिष्पर्धा गरेका क्यान्डिडेटमास्टर क्षितिज भण्डारी तथा शुसील चौधरीले क्रमशः पूर्व राष्ट्रिय च्याम्पियन बद्रिलाल नेपाली तथा  भेट्रान राष्ट्रिय च्याम्पियन जनार्दन श्रेष्ठमाथि जीत हासिल गरे । त्यसैगरी युवा खेलाडी आशिष फुयाँलले पूर्व राष्ट्रिय च्याम्पियन फिडेमास्टर बिलमलाल श्रेष्ठलाई बराबरीमा रोके । उता ललितपुरका क्यान्डिडेटमास्टर सजिन महर्जनले थापाथलीका राजनपुरीमाथि व्यक्तिगत जीत हात पारे । दोश्रो स्थानमा रहन सफल ललितपुरले ७५ हजार नगद समेत प्राप्त गरेको छ  ।


प्रतियोगितामा शिर्ष बरियता प्राप्त गोल्डेनगेट कलेज लिग चरणको विजेता ईलामेली गजुरमुखी चेस क्लबमाथि ३–१ अंकको जित हात पार्दै तेश्रो स्थानमा रहन सफल रह्यो । तेश्रो स्थानको गोल्डेनगेट तथा चौथो भएको गजुरमुखीले क्रमशः ५० हजार तथा ३० हजार नगद प्राप्त गरे । चार वटै बोर्डमा पूर्व तथा राष्ट्रिय च्याम्पियन सम्मिलत गोल्डेनगेटका लागि पूर्वराष्ट्रिय च्याम्पियनत्रय केशव श्रेष्ठ, सुरवीर लामा तथा भुपेन्द« निरौलाले जीत निकाले भने वर्तमान राष्ट्रिय च्याम्पियन मदनकृष्ण कायस्थले हार व्यहोरे ।

पहिलो बोर्डको खेलमा केशवले क्यान्डिडेटमास्टर कृष्ण थापामाथि सानदार जीत हात पारे । उता दोश्रो तथा चौथो बोर्डको स्पर्धामा क्रमशः शुरवीरले फिडेमास्टर मनिष हमाल तथा भुपेन्द्रले प्रकाश नेपालमाथि जीत हात पारे । तेश्रो बोर्डको खेलमा क्यान्डिडेटमास्टर रिजेन्द्र राजभण्डारीले कायस्थमाथि जीत हात पारेका हुन् ।

लिगकम नकआउटका आधारमा सञ्चालित प्रतियोगिता अन्र्तगत सात चरणको लिगमा व्यक्तिगत रुपमा उत्कृष्ट प्रदर्शन गर्ने भक्तपुर जिल्ला बुद्धिचाल संघका राज प्रजापति, गजुरमुखी चेस क्लबका मनिष हमाल, गोल्डेनगेट ईन्टरनेशनल कलेजका मदनकृष्ण कायस्थ, शहिद शुक्र क्लबका राजेन्द« बज्राचार्य तथा थापाथली चेस पार्कका शुसील चौधरी क्रमशः पहिलो, दोश्रो, तेश्रो, चौथो तथा पाँचौं बोर्डमा अब्बल सावित हुँदै पाँच–पाँच हजार नगद समेत प्राप्त गरे ।
नेपाल बुद्धिचाल संघको आयोजना तथा ललितपुर स्पोर्टस क्लबको व्यवस्थापनमा सम्पन्न प्रतियोगितामा अन्र्तराष्ट्रिय आर्विटरद्धय हेराकाजी महर्जन तथा निरञ्जन प्रजापतिले क्रमशः टुर्नामेन्ट डाईरेक्टर तथा चिफ आर्विटरको भूमिका निर्वाह गरेका थिए । विभिन्न २१ क्लबको सहभागिता रहेको प्रतियोगितामा ७ चरणको लिगबाट छानिएका ४ क्लबका बीच नकआउटका प्रणालिमा सेमिफ़ाईनल तथा फाईनल प्रतिस्पर्धा भएको हो । प्रतियोगिताको पहिलो संस्करणको विजेता मखन चेस स्पोर्ट्स क्लब काठमाण्डौ हो भने दोश्रो तथा तेश्रो संस्करण क्रमश: काठमाण्डौ चेस क्लब तथा गोल्डेनगेट चेस क्लबले जितेका थिए ।
लिग चरणको नतिजा:
सेमिफाईनल तथा फ़ाईनलको नतिजा 
  

Thursday, August 16, 2018

4th National Team 2018


थापाथलि चेस पार्क र ललितपुर स्पोर्ट्स क्लब फाइनलमा भिड्दै

 श्रावण ३१ गते, ललितपुर । काठमाडौको थापाथली चेस पार्क र ललितपुर स्पोर्टस क्लब  ललितपुरमा जारी तुल्सीलाल स्मृति चौथो राष्ट्रिय क्लब टीम बुद्धिचाल प्रतियोगिताको फाईनलमा भिड्ने भएका छन् । बिहिबार सम्पन्न सेमीफाइनल खेलमा लिगतर्फ अग्रस्थानमा रहन सफल ईलामको गजुरमुखी चेस क्लबलाई ३–१ अंकले पराजित गर्दै थापाथलीले फाईनल यात्रा तय गरेको हो । त्यसैगरी ललितपुरले डिफेन्डिङ च्याम्पियन गोल्डेनगेट ईन्टरनेशनल कलेजमाथि २.५–१.५ अंकको जित निकाल्यो ।

थापाथली चेस पार्कका लागि पहिलो बोर्डमा प्रतिष्पर्धा गरेका युवा खेलाडी आशिष फुयाँलले क्यान्डिडेटमास्टर कृष्ण थापालाई हार चखाए । यसअघि बुधबार सम्पन्न लिग चरणको अन्तिम स्पर्धामा आशिष र कृष्णको खेल बराबरीमा टुंगिएको थियो । दोश्रो बोर्डमा खेलेका क्यान्डिडेटमास्टर क्षितिज भण्डारीले पूर्व राष्ट्रिय च्याम्पियन समेत रहेका फिडेमास्टर मनिष हमालमाथि जीत हात पारे । अर्का युवा खेलाडी सुमन राईले तेश्रो बोर्डमा क्यान्डिडेटमास्टर रिजेन्द्र राजभण्डारीमाथि जीत निकाले । गजुरमुखीका लागि प्रकाश नेपालले चौथो बोर्डमा शुसील चौधरीलाई पराजित गर्दै सान्त्वना जीत निकाले ।

प्रतियोगितामा पहिलो र दोश्रो वरियता प्राप्त गोल्डेनगेट ईन्टरनेशनल कलेज र ललितपुर स्पोर्टस क्लब बिच भएको सेमिफाईनल खेल अत्यन्तै रोचक रह्यो । सेमिफाईनल स्पर्धामा ३ जना पूर्व तथा १ जना वर्तमान राष्ट्रिय च्याम्पियन उतारेको गोल्डेनगेटका लागि नतिजा सुखद रहेन । उता २ पूर्व राष्ट्रिय च्याम्पियन, १ भेट्रान राष्ट्रिय च्याम्पियन तथा १ क्यान्डिडेटमास्टर उतारेको ललितपुरले जीत आत्मसात गर्दै थापाथलीसँगको फाईनल भिडन्त पक्का ग¥यो ।

पहिलो बोर्डमा पूर्व राष्ट्रिय च्याम्पियनद्धय गोल्डेनगेटका क्यान्डिडेटमास्टर केशव श्रेष्ठ र ललितपुरका फिडेमास्टर बिलमलाल श्रेष्ठबीचको खेल बराबरीमा टुंगियो । त्यसैगरी दोश्रो बोर्डमा पनि पूर्व राष्ट्रिय च्याम्पियनद्धय गोल्डेनगेटका सुरबीर लामा तथा ललितपुरका बद्रिलाल नेपालीले बराबरी खेले । उता लिग चरणको अन्तिम खेलमा जित हात पार्न सफल ललितपुरका क्यान्डिडेटमास्टर सजिन महर्जनले सेमिफाईनलमा समेत वर्तमान राष्ट्रिय च्याम्पियन मदनकृष्ण कायस्थलाई बराबरीमा रोके ।  त्यस्तै भेट्रान राष्ट्रिय विजेता जनार्दन श्रेष्ठले चौथो बोर्डको खेलमा पूर्व राष्ट्रिय च्याम्पियन भुपेन्द्र निरौलामाथि कठिन जीत निकाले ।

शुक्रबार हुने फाईनल खेलमा ललितपुर स्पोर्टस क्लब र थापाथली चेस पार्क उपाधिका लागि भिड्नेछन् भने गोल्डेनगेट कलेज र गजुरमुखी चेस क्लब तेश्रो स्थानको लागि प्रतिष्पर्धा गर्नेछन् ।

Saturday, April 8, 2017

5th Co-operative Chess

सुमित पन्तलाई सहकारी चेसको उपाधि
लिगतर्फ बद्रीलाल च्याम्पियन

ललितपुर, २५ चैत्र ।
श्रेयंकर साकोस काठमाडौंका सुमित पन्त पाचौं कामना सहकारी कप चेस च्याम्पियन बनेका छन् । गोल्डेनगेट कलेजका हिमाल लामालाई १.५०.५ ले पराजीत गर्दै सुमितले १ लाख ७२ हजार ९ सय मुल्य बराबरको मोटरसाईकल प्राप्त गरे ।

ललितपुर जिल्ला बचत तथा ऋण सहकारी संघ र ताम्राकार समाजको आयोजनामा शुक्रबार जावलाखेलमा सम्पन्न च्याम्पिनिशीपको फाईनलतर्फको पहिलो लेगमा कालो गोटीबाट जित हात पारेका सुमितले दोश्रो लेगमा सेतो गोटीबाट हिमाललाई बराबरीमा रोके । च्याम्पियनसीपको उपविजेता बनेका हिमालले ५० हजार नगदमा चित्त बुझाए ।

क्यान्डिडेटमास्टर क्षितीज भण्डारी सडेनडेथमा फिडेमास्टर मनिष हमाललाई पराजीत गर्दै तेश्रो हुन सफल भए । क्लासिकलतर्फ पहिलो लेगको खेल गुमाएका जनता साकोस ललितपुरका क्षितीजले दोश्रो लेगमा सेतो गोटीबाट अर्थ बहुउद्देश्यीय सहकारी ललितपुरका मनिष हमाललाई हराए । टाईब्रेकका लागि भएको ब्लिज खेल समेत ११ मा टुंगिएपछि खेलको नतिजा सडेनडेथमा आएको हो । सडेनडेथका लागि खेलाईएको ब्लिज खेलमा कालो गोटि रोजेका मनिषलाई ४ मिनेटमा बराबरीको नतिजा पर्याप्त थियो भने क्षितीजका लागि ५ मिनेटमा जित्नैपर्ने दबाब थियो । नकआउटमा तेश्रो भएका क्षितीजले ३० हजार तथा चौथो भएका मनिषले २५ हजार नगद प्राप्त गरे ।

करुणामय साकोसका बद्रीलाल नेपालीले लिगतर्फको उपाधि हात पारेका छन् । १० औं चरणमा प्रतियोगिताका शिर्ष खेलाडी क्यान्डिडेटमास्टर मदनकृष्ण कायस्थलाई हराउँदै ८ दशमलब ५ अंक बनाउन सफल बद्रीलालले २५ हजार नगद समेत प्राप्त गरे ।

मच्छिन्द्र क्लबका सुरवीर लामालाई हराउँदै ७ दशमलब ५ अंक बनाएका गोल्डेनगेट कलेजका क्यान्डिडेटमास्टर केशव श्रेष्ठ लिगतर्फ दोश्रो हुँदै १५ हजार नगद प्राप्त गरे । समान ७७ अंक बनाएका थापाथली चेस पार्कका सुशील चौधरी, नेशनल डेभलपमेन्टका दिर्घराज जोशी तथा मखन चेस क्लबका सुमन लामा क्रमशः तेश्रो, चौथो तथा पाचौं स्थानमा रहन सफल भए ।

भक्तपुर साकोसका राज प्रजापतिमाथि जीत हात पारेका सुशीलले १० हजार नगद प्राप्त गरे । त्यसैगरी सादना साकोस झापाका राजन सुवेदीलाई हराएका दिर्घराजले ८ हजार नगद प्राप्त गरे । स्वागतम साकोस ललितपुरका रविन्द्र शाक्यसँग बराबरी नतिजा आत्मसात गरेका सुमन लामाले ७ हजार नगद प्राप्त गरे ।

कामना साकोसका जनार्दन श्रेष्ठ, काठमाडौका भगवतीप्रसाद शर्मा, मच्दिन्द्र क्लबका सुरवीर लामा, नेकोस चेस एकेडेमीका मदनकृष्ण कायस्थ तथा स्वागतमका रविन्द्र शाक्य समान ६ दशमलब ५ अंकका साथ क्रमशः छैठौं देखि दशौं स्थानमा रहन सफल भए ।

जनता साकोसका सिन्दिरा जोशीले महिलातर्फ पहिलो हुँदै १० हजार नगद प्राप्त गरिन । अर्थ बहुउद्देश्यीय ललितपुरका सविना श्रेष्ठ, काठमाण्डौका विनिता कपाली, चितवनका लक्ष्मी कँडेल तथा ललितपुरका नोज्मी खड्का क्रमशः महिलातर्फ दोश्रो देखि पाचौं स्थान हासिल गर्न सफल भए ।

थापाथली चेस पार्कका रामहरी कार्की अनरेटेडतर्फ उत्कृष्ट भए । त्यसैगरी ललितपुरका सुरज सिंह अनरेटेडतर्फ दोश्रो भए । अन्नपूर्ण उच्चमाविका दिपेन्द्र गमाल १९ वर्षमुनि उत्कृष्ट भए । श्रमजीवी साकोस भक्तपुरका गणेशमान दुवाल भेट्रानतर्फ पुरस्कृत भए । नेशनल डेभलपमेन्ट सहकारी ललितपुरका सुदर्शन प्रधानले उत्कृष्ट स्थानीय खेलाडीको पुरस्कार प्राप्त गरे । सारथी साकोस दोलखाका आशिष फुँयालले २ हजार भन्दा मुनि रेटिङ समुहमा तथा झापाका अनिश कुमार सुवेदीले १८ सय मुनि रेटिङसमुहको पुरस्कार प्राप्त गरे ।

भक्तपुर साकोसका राज प्रजापति, सादना साकोस झापाका राजन सुवेदी, तनहुँका सविनचन्द्र घिमिरे, मखन चेस क्लबका पूण्यमान कर्माचार्य, नेशनल डेभलपमेन्ट सहकारीका राजेन्द्रप्रसाद श्रेष्ठ क्रमशः एघारौं देखि पन्ध्रौं स्थानमा रहन सफल भए । त्यसैगरी मखन चेस क्लबका सुजेन्द्रप्रसाद श्रेष्ठ, श्रमजीवी साकोस भक्तपुरका विकास कुलुजु, कन्काई साकोस काठमाण्डौका सुमन राई, कामना साकोसका सजिन महर्जन र डायनामिक चेस एकेडेमीका भुपेन्द्र निरौला क्रमशः सो¥हौं देखि बिसौं स्थान सम्म रहे ।

कुल ४ लाख ९८ हजार ४ सय पुरस्कार राशी रहेको लिग तथा नकआउट दोहोरो प्रणालीमा सम्पन्न प्रतियोगितामा ८० खेलाडीको सहभागीता रहेको थियो ।